Panulaan ni kai

Panitikan

Oh ika'y tunay na alamat 

Sa iyong amor na

Tanging katha ng aking isip.

Sa anong diyalekto

Iyong maiintindihang

Sinisinta kita?

Pag-ibig ko'y maikling kwento,

Ikaw lamang ang paksa

Sa sampong pahina.

Bugtong-bugtong

Dalawang bilog

Malayo sa akin ang pagtingin.

Makata man kung umibig,

Walang tamang sukat

Hanggat 'di tayo nagtutugma.

Handang salaysayin

Mula simula hanggang

Sa ikaw ang maging wakas.

kai

 

Sa Waiting Shed

Dagsaang mga dumadaan
Businang walang pigil at
Baka de kwatrong upo
Habang el bimbo ang tugtog.

Wari'y mata'y nasilaw,
Puwera sa isip na makulimlim.
Kung bakit ikay' imposible 
Sa ating mundong posible?

Saang eksaktong
Waiting shed ba ang hintayan
Sa mga taong  'di sigurado 
Ang balik?

kai

Manunulat

Ako ang may akda

Ngunit ikaw ang paksa

Sa aking Katha.

Ako ang makata

Ngunit ikaw ang tugma 

Sa aking tula.

Ako ang mang-aawit

Ngunit ikaw ang ritmo

Sa aking musika.

Ako ang manunulat

Na nais maging paksa

Ng iyong pahina.

Kai